Një krim mjedisor që shkretëton gjithë luginën e lumit nga Osoja në Faqekuq

 

 

Tomor Vlusha

 

 

Pranë Mullirit dhe Urës së fshatit Vlushë të Skraparit po ngrihet një hidrocentral.

 

 

Është tentativa e tretë për të ndërtuar një hidrocentral aty pranë.

 

 

Tentativa e parë ka qenë që në kohën e Italisë në Luftën e Dytë Botërore.

 

Tentativa e dyte ishte rreth viteve ’70-’80 të viteve të Socializmit.

 

Tentativa e tretë është duke u bërë tani.

 

 

Në fakt, ky është i katërti HEC që po ndërtohet  në gjatësinë e lumit nga Faqekuqi deri tek Ura e Osojës, në një gjatësi lumore afër 12 km.

Ky i katërti (që po tenton ta hedhe ujin në turbina aty pran Mullirit) e lë Vlushën pa ujë lumi prej atje ku e merr ujin deri aty tek Mulliri.

 

 

Gjithë gjatësinë lumore të fshatit tonë e le pa ujë. As bagëtitë nuk kanë ku të pijnë ujë.

 

Ky është krim!

 

 

Nuk dihet kush ishin ata që firmosen dokumentin e ndikimit mjedisor për këtë investim. (Ne fakt dihet, se dokumentet janë arkivuar). Lumi thahet. Mendoni ndikimin në mjedis. Por investitori e ka marrë firmën nga ata njerëz të këtij shteti që paguhen me taksat tona.

 

 

Për çdo investim duhet të bëhet dëgjesë publike me banorët. A dëmtohen interesat e tyre nga ky investim? A kanë ata të drejtë të fitojnë pas këtij investimi?

 

 

Banoret e atij fshati janë aty prej mijra vitesh. Ata kanë të drejtën të paret të marrin fitimet nga mjedisi i tyre. Edhe rrugën modeste që lidh fshatin ky investitor po e shfrytëzon për ta lënë më pas me keq se sa është aktualisht.

 

 

Por ne banoret e fshatit besojmë se ky HEC nuk do funksionojë.

 

 

Nuk do arrije të funksionojë, sepse aty pranë, në ate vend kanë vene dorn Baba Fetahu i Backës (që ndërtoi Mullirin) dhe Dervish Iliazi (që ndërtoi Urën).

 

Ne bektashinjtë e zones sonë besojmë tek Teqeja dhe Baba Fetahu i Backës. Investitoret ndoshta nuk janë bektashinj, por atyre duhet t’ua kish thënë dikush që në fillim.

 

 

Se…edhe dy tentativat e para jo me kot kanë dështuar!…