Vërzhezha, koopertiva e parë bujqësore në Skrapar dhe ndër të parat në shkallë vendi
Gjergji Qafoku
U desh kohë dhe sakrifica për të arritur në atë ditë. Në fillim u krijua kolektivi, bashkimi vullnetar i forcave dhe mjeteve të punës në bazë lagje, kolli e fshati për t’i bërë punët bashkë dhe prodhimi i ndahej atij që e zotëronte.
Gazeta ” Zëri i Popullit”, e martë 5 korrik 1955 shkruante:
“Edhe në Vërzhezhë të Skraparit, ku është krijuar kolektivi bujqësore po bëhet një punë e shpejtë për korrjen e të lashtave.
Ju bë thirrje gjithë vërzhezhallinjëve të larguar për t’u kthyer në fshat për të bindur të afërmit e tyre”.
Ditën e martë, datë 27 gusht mblidhen te Rrapi i fshatit shumica e banorëve të fshatit (një pjesë e banorëve që jetonin në Gropa – Vëth, Kapllanë nuk ishin lajmëruar.
U vendos tavolina dhe në të u vendosën, Neki Sula, Izet Dyrmishi ardhur enkas nga Berati dhe biri i fshatit, Neshat Hysi.
Izeti dhe Nekiu folën për rëndësinë dhe të mirat që do sillte hyrja në kooperativë.
Neshati “urdhëroi” Murat Babaliun të mbante shënim familjet që do hynin në kooperativë.
Ishte vendosur që çdo familje që do hynte në kooperativë do mbante 3 dynym tokë dhe 60 krerë të bagëti imta. Këtu lindi hileja. Shumë familje u ndanë me qëllim përfitimi .
Në ditë e parë u regjistruan:
66- familje nga 112 që kishte pa Gropa – Vëthin, 133- krahë pune, 41- pëndë qe (ktheheshin në darkë te ai që i kishte), 185- ha tokë.
Bagëtitë e imta u vendos të dorëzoheshin kur të përfundonin stallat.
Me unanimitet të plotë kryetar u zgjodh Faik Qafoku, që qëndroi në këtë detyrë 16 vjet, deri në shtator 1971
U ngritën grupet:
Invetarizimit të tokës, blegtorisë dhe ngritjen e stallave.
Selam Hysi, njëhkohësisht dhe sekretar Partie zgjidhet brigadier.
Murat Babaliu do të merrej me llogarinë dhe evidencat.
Ali Jaho me organizimin.
Baki Hysi me blegtorinë.
U zgjodh edhe kryesia e kooperativës:
Faik Qafoku, Hasan Çela, Selam Hysi, Nebi Hysi, Hilmi Ago, Behije Malo, Qazim Kacidhe, Gani Hysi, Murat Babaliu.
Në vitin 1958 u bashkuan pothuaj të gjithë në koopertaivë, me përjashtim të Musa Shabanit që hyri në vitin 1970.
U krijua dhe brigada e Gropa – Vëthit me brigadier Hilmi Kapllanin.
Ministria e Bujqësisë, më 3 shtator 1955 aprovoi ngritjen e kooperativës bujqësore Vërzhezhë bashkë me nëntë të tjera në shkallë vendi: 4 në qarkun e Beratit, 3 në qarkun e Elbasanit dhe 2 në qarkun e Durrësit.
Kooperativa buiqësore Vërzhezhë është kooperativa e parë në rrethin e Skraparit, e 34 -ta në qarkun e Beratit (Berat, Lushnje, Fier, Mallakastër, Skrapar) dhe 191 në shkallë vëndi.
Edhe pse ai sistem dështoi në të gjitha drejtimet, ne përkujtojmë këtë datë si një datë historike,në respekt të mundit, djersës, sakrificës dhe ndershmërisë.
Edhe sot ndoshta ka ardhur koha për një lloj tjetër kooperative sa më efektive dhe jo decentralizuese.
Marrë me shkurtime ” Enciklopedia e Vërzhezhës”