Në Tiranë, në rrugën “Myslym Shyri”, ku gjen të shkruara të gjitha gjuhët e botës, por vetëm shqipen, jo!…
Një reportazh i shkurtër shkruar me dhimbje
Dr. Izet Çulli
Në Shqipëri gjithkund,por veçan në Tiranë has më tepër pllakate dhe emërtime në gjuhë të huaja. Po në se do të shikoni se ku ato të shfaqen më me shumicë, do t’i gjeni në rrugën “Myslim Shyri” në kryeqytet.
Po kaloja këto ditë të vapëta atje dhe më folën dy mërgimtarë, kur më panë që kundroja me “kërshëri” afishet e shumta në të dy anët e ballinave të lokaleve që pothuajse në shqip mungonin ato.
“Ne s’kemi parë në asnjë vend të botës,-m’u drejtua njëri prej tyre,- si në Shqipërinë tonë të bekuar, që të mbizotërojnë gjuhët e huaja sa këtu…”
“Kini plotësisht të drejtë, nuk ke ç’i bën,- ia ktheva atij, të cilin as e njihja e as më njihte,- se kudo, por sidomos te kjo rrugë ku jemi, dokushdo mund të vijë dhe të mësojë gjuhën që parapëlqen!”
Ata e kuptuan humorin tim, nënqeshën paksa dhe duke më rrahur krahët, u larguan për llogari të tyre…
Unë kam me qindra thënie e fjalurti për gjuhëshqipen tonë, e cila na tregon dallimin, përqasjen, veçantinë si komb. Me këtë rast do të paraqes në vëzhgimin tim dy prej tyre:
Naim Frashëri shkruan se të përziesh shqipen me gjuhë të tjera, kjo i ngjan atij djalit që “duke patur babain gjallë, do të martojë nënën me një tjetër burrë.”
Albanologu dhe gjuhëtari i shquar danez,Holger Pedersen thekson:
”Gjuha shqipe… është një gjuhë e fuqishme dhe e bukur që duhet të jetë krenaria e folësve të saj dhe një mjet i shenjtë për zhvillimin kulturor dhe intelektual të kombit të vjetër shqiptar…”
Po shteti dhe institucionet përkatëse ku janë, që…mos qofshin?!…