Skënder Lena, një mecenat arti dhe historie me kontribute të çmuara në Gramsh
Gëzuar 80-vjetorin e lindjes, Skënder Lena!
Bashkim B. Koçi
Sot, më 15 mars 2025, anëtari themelues i Shoqatës Atdhetare Kulturore “Gramshi “, Skënder Lena, mbushi 80 vjeç.
Skënderi u lind në fshatin Rashtan të Gramshit, në një familje atdhetare me kontribute të spikatura gjatë LANÇ.
Pas mbarimit të shkollës teknike, Skënderi punoi si specialist dhe si drejtues në ndërmarrje e institucione të ndryshme në Gramsh.
Pas vitit 1992 krijoi një kompani ndërtimi dhe punoi në Gramsh e Tiranë.
Skënderi është dalluar për shpirtin e tij human. Ai ka ndihmuar familje e individë në nevojë, ka dërguar kompjutera ne dy shkolla etj.
Ka investuar në vendosjen ne Gramsh të bustit të patriotit Kapo Lena dhe antifashistit Antonio Gramshi.