Sami Frashëri në Kamus al- A’lam për Skraparin dhe origjinën e Frashërllinjve
Kamus al-A’lam i Sami Frashërit është enciklopedi historiko-gjeografike në gjashtë vëllime me gjithsej 4 830 faqe të formatit 30 x 21 cm.
Vepra është shkruar në gjuhën turke dhe një përkthim persisht u botua në dekadën e fundit të shekullit të 19 (1889 – 1898).
S k r a p a r i
Është një trevë shqiptare e Prefekturës së Beratit, të Vilajetit të Janinës. Duke qenë qendër e Nënprefekturës nga Juglindja e Beratit, është i përbërë prej 63 fshatrash.
Qendra e Skraparit është në Çorovodë. Nëkëtë vend ka një ndërtesë qeveritare, tre hane dhe gjashtë dyqane dhe çdo ditë të enjte bëhet Pazar.
Çorovoda është ndërtuar në mes dy malesh në pllajën e lumit të Beratit.
Skrapari shumicën e tokës e ka të thatë dhe tepër pak prodhuese. Populli i vendit merret me bujqësi primitive.
Brenda Çorovodës janë dy shkolla fillore.
Populli i Skraparit është i gjithi mysliman.
(Kamus al -A’lam, përkthimi shqip, botim i vitit 1889, faqe 53 – 54)
Origjina e Frashërllinjve
Bejlerët Frashërit origjinalisht janë shpërngulur prej rretheve të Nënprefekturës së Tomorricës së Beratit dhe janë atdhesuar në katundin Stanimaka, që atyre iu dha si feud.
Në kohën kur Qyprili Mehmet Pasha ishte Kryeministër, ky, si bashkëatdhëtar i bejlerëve në fjalë, lejoi njërin nga barku i Iljaz Beut, duke i dhënë këtij katundin Frashër dhe disa katunde të tjera që ishin të banuar prej kristianëve, në vend të fshatit stanimakë. Me kalim kohe Frashëri u bë 45 shtëpi.
(Kamus al -A’lam, përkthimi shqip, botim i vitit 1889, faqe 123)