![](https://orakujtetomorrit.al/wp-content/uploads/2024/05/251770902_962428864487485_7719359093997517203_n.jpg)
In Memoriam / Nazif Musai, ndër “pionierët” e parë të mësuesisë në Skrapar
Hajri Nuhu
Nazif Musai u lind në Vëndreshë në 28 shkurt 1938. Ishte djali i një familje atdhetare dhe i një fisi me emër. Qe ndër nxënësit e parë të shkollës që u rihap pas clirimit të vendit.
Mësonte dhe kishte ëndrra e dëshira të cilat i realizoi në jetë. U shkollua fillimisht në Vëndreshë dhe më pas është ndër të parët “pedagogjikas” nga Skraparit që përgatitet për mësuesi. Shkollën pedagogjike e kryen në Durrës.
Punoi edhe inspektor për kuadrin në seksionin e arsimit të Skraparit. Më pas kreu detyrën si nëndrejtor i shkollës së Vëndreshës.
Për shumë vjet mësues në ciklin fillor në Vëndreshën e tretë. Mbi 45 vjet punë në arsim. Një jetë. Dhe kudo që punoi Nazifi ishte njeriu i drejtë e i ndershëm, i hapur në mendime, racional dhe konkret në profesion.
Breza të tërë nxënësish e kishin krenari, kolegët nëpër vite e patën mik e shok të mirë. Nazifi ishte me karakter të fortë. Këtë e rrezatoi kur dekada më parë humbi bashkëshorten.
Djemtë Nardi e Alketi dhe vajzat u kujdesën shumë nëpër vite. Ai jetoi me dashurinë e respektin e fëmijëve ,të nipërve e mbesave.
Ishte edhe një mik i shoqatës “Tomorri” dhe i skraparllinjve. Vërtet iku nga kjo jetë, por mbeti përfaqësuesi më i denjë i komunitetit të skraparllinjve të Durrësit që do të kujtohet gjatë.