Haxhi Kalluçi: Selvisë, nënës sime!…

Haxhi Kalluçi: Selvisë, nënës sime!…

 

 Sot, me 8 mars, në Ditën Ndërkombëtare të Nënës, secili nga ne ka të fshehur brenda shpirtit, në mos më shumë, edhe një fjalë të vetme për të thënë për nënën tonë të shtrenjtë.

 

I lamë të tjerët, zgjodhëm me këtë rast, fjalën e skulptorit, poetit, producentit, mecenatit  dhe dashmirësit të artit, Haxhi Klluçi, për nënën e tij:

 

 

 

Selvisë, nënës sime!…

 

 

Haxhi Kalluçi

 

 

Supeve,

një batanije hedhur kam,

vjeshtë është,

fillim nëntori ;

erërat përzier me shi,

gjethet rrëzuar,

por malli i nënës,

kurrë, jo shtegtuar.

 

 

S’shtegton, jo, malli i nënës,

Malli i saj s’është zog shtegtar,

është ftua i këputur,

varur,

Nerënxë e larë në ar.

 

 

Batanije, supeve hedhur kam,

vjeshtë është, fillim nëntori.

Këto pak vargje, përzier me lot,

për botën e madhe s’përbëjnë lajm.

 

 

Por dita e ndarjes me nënën,

zemrën ma çan,

kockat m’i bluan.