Tomorr Laze: A e dini ç’do të thotë të kesh Tomorrin në sy?!…
Tomorr Laze
Tomorri ëshë një mal simbol i qendresës shqiptare, një mal simbol shenjtërie fetare. E quaj fat që kam lindur nën hijen e këtij mali mitik.
Kur je mësuar me të, është vështirë të largohesh prej tij, po ashtu është e vështirë të mësohesh pa hijen e tij, pa magjinë e tij.
Pas vieteve ’90, kur erdha me banim në Durrës, e ndjeva mungesën e madhështisë së këtij mali. Kur them e ndjeva, e ndjeva thellë.
Se nuk e dija që Tomorri dukej nga Durrësi.
Pasi kisha hedhur brezin e parë të shtëpive në kodrat e Durrësit, ku është shumica e skraparllinjve, befas, në juglindje, në horizont mu shfaq befasishëm madhështore Çuka Partizan e Tomorrit!…
Nuk besova. Fshiva sytë, ishte vëtetë ajo, e lartë dhe krenare!…
Tani e shikoj nga ballkoni jo çdo ditë, por kur është kohë e mirë, por e shikoj e jetoj me të.
E ndjej nevojën e tij pranë, veç shumë të tjerave, edhe sepse kam emrin e tij.
…Por, a e dini se ç’do të thotë të kesh Tomorrin në sy, në zemër, në shpirt dhe në trup (emrin) siç e kam unë?! Do të thotë të kesh tërë botën në prehrë!